كلمات اغنية افرحي يا عروسه

كلمات اغنية افرحي يا عروسه
افرحي يا عروسه انا العريس
يا عريسه يا عريسه انا العريس
افرحي يا عروسه انا العريس
يا عريسه يا عريسه انا العريس
عروسه حلوه جبلتني
بعينها بربشتلي
لهطت جشطه مرمرتلني
غمزتي و عكستني
بصراحه روشتني
دلعتني جننتني
عربيه حلوه ركبتني
تعلي جنبي و جلتلي
افرحي يا عروسه انا العريس
يا عريسه يا عريسه انا العريس
مصر الجديده ودتني
و في روكسي فسحتني
و جلتي وكلتني
مهندسين و خدتني
علي الكافيه جعدتني
فخفخفينه و سجتني
علي الدسكو و حجزتلي
علي الواحده و رجصتلي
افرحي يا عروسه انا العريس
يا عريسه يا عريسه انا العريس
علي المول و خدتني
سنسير ركبتني
طلعتني نزلتني
دوجتني فرهدتني
لاب توب و اشترتلي
انترنت و جبتلي
الايميل و عملتلي
علي الفيس بوك و ادتني
افرحي يا عروسه انا العريس
يا عريسه يا عريسه انا العريس
نادي الجزيره دخلتني
علي الشيله عرفتني
في البيسين نزلتني
علي الكوبري و مشتني
دره مشوي و كلتني
علي الصاغه و خدتني
دبله حلوه لبستني
و المهر و دفعتلي
افرحي يا عروسه انا العريس
يا عريسه يا عريسه انا العريس
افرحي يا عروسه انا العريس
يا عريسه يا عريسه انا العريس
علي البيت و خدتني
علي السلم طلعتني
علي العتبه وقفتني
بابا الشقه و فتحتلي
علي جوه دخلتني
حاجه صفره و سجتني
بهدلتني دوختني
اوضه النوم ...............
افرحي يا عروسه انا العريس
يا عريسه يا عريسه انا العريس

اغنية بنتى - وردة الجزائرية

اغنية بنتي اغاني ورده الجزائريه اغاني عربيه

كلمات اغنية بنتي اغنية بنتى - وردة الجزائرية اية مالك بتبكى ليه بتبكى ليه يابنتى اية مالك يانور عيا انتى دموعك اغلى من اللى راح ومين فى الدنيا دى ارتاح واية يعنى ولا يهمك تعالى حضتى هيضمك لا هى نهاية العالم ولا هيدوم ليوم همك وبكرة الدنيا تضحكلك وايام حلوه هتقابلك خديها كلمه من قلبى خديها كلمه من امك انا بردة فى يوم من كام سنه فاتت بكى قلبى ودموعى على الخدود سالت ويومها تهت فى الدنيا وكان صعب انى اعيش ثانية وعشت سنين وقلبى حزين ودموعى ساكنة فى عنيا دموعك اغلى من اللى راح ومين فى الدنيا دى ارتاح واية يعنى ولا يهمك تعالى حضتى هيضمك لا هى نهاية العالم ولا هيدوم ليوم همك وبكرة الدنيا تضحكلك وايام حلوه هتقابلك خديها كلمه من قلبى خديها كلمه من امك شهور وايام وانا دمعى على خدى قدرت اعيش واعدى على الجراح وحدى وحتى جرحى علمنى بانى زمانى لو خانى ولا اشكى ولا ابكى ولا اسيب يأسى يهزمنى دموعك اغلى من اللى راح ومين فى الدنيا دى ارتاح واية يعنى ولا يهمك تعالى حضتى هيضمك لا هى نهاية العالم ولا هيدوم ليوم همك وبكرة الدنيا تضحكلك وايام حلوه هتقابلك خديها كلمه من قلبى خديها كلمه من امك اطي

ردى على زوجك لو عايز يتجوز تانى

طيب الحمد لله انه عارف انه عينه فارغة ومش مقدر النعمة اللي في ايده اولا لما يقولك ينفع اتجوز شهرين اجدد قوليله طبعااااااااااااااااااااااااا بس مش شهرين لاه بقيت العمر وتاخد معاك ولادك التلاته وابقي خلي العروسة تربيهملك وانا كمان اروح اتجوز واعيش حياتي والمرة دي هختار صح واحد متكونش عينه فارغة ويعرف يقدر النعمة اللي معاه واوعي تفتكر اني عندي نقص ولا معنديش ثقة فنفسي زي ما بتقول وانا ممكن اقولك علي صفات كتير اوي فيك واضايقك واجرحك بس انا محترمة ومتربية وبنت ناس واهل علموني ان الانسان الناضج ميدلقش اي زبالة ويرجع يقول بهزر لاني لو هزرت معاك مش هيعجبك ولازم تحسي بقيمة نفسك وتعرفي انك قوية وتحطي فدماغك فعلا انه لو حب يتجوز يبقي يغور وياخد عياله معاه ونبقي نشوف ملكة الجمال اللي هترضي بيه عم احمد عز حاجة تقرف رجالة فعلا ميملاش عينها غير التراب

اااااااااااااااااااه من كلامك يا ابنتى

دائما ما احب الحديث مع بناتى......فلقد كبرن واصبح لكل واحدة منهم شخصيتها و افكارها المختلفه

احيانا كثيره اشعر اننى استفيد من كلامهم واراءهم فأنا وان كنت من جيل سابق الا اننى احاول اللحاق بافكار هذا الجيل

.............................................................................................

خليكى انثى

زى ما زوجك قالك كل حاجه فى ايدك انتى

انتى بتعترفى بنفسك انك اهملتى فى نفسك

مش معنى ان زوجك انشغل شويه تنسى انك ست وانثى

ماهو لما اتجوزك مكنش المفروض انه يسيب شغله ويستقيل يعنى

ولو كل ست قفلت على نفسها علشان زوجها مشغول مش هتبقى حياه

زوجك اولا واخيرا فرد فى حياتك مش كل حياتك ومش محور حياتك

اصنعى لنفسك حياه بعيده عنه

انتى ممكن تروحى مسجد جنب البيت او مقرأه للتحفيظ

وتتعرفى على الستات الى هناك ويكونو اصحابك

ممكن تروحى جيم مثلا ممكن اهو على النت هنا فى المنتدى تتعرفى

على ناس وتعرفيهم ويعرفوكى

ممكن تمارسى هوايه حلوه تشغلى نفسك بيها

اقرى

ارسمى

اتعلمى كروشيه

اى حاجه تضيعى فيها وقتك وتفيدى بيها نفسك

مش لازم يكون سبب سعادتك زوجك او اهتمامه بيكى

ومع كل ده حبى نفسك ودلعيها اوى

خليه يجى من شغله يجرى عليكى

يعرف انه هيرجع يلاقى فى البيت ست حلوه ودلوعه

اعملى لنفسك جو حلو فى البيت يجذبه ليكى

واهتمى اوى بجمالك واضح ان مش عندكم ولاد

يبقى طول النهار مسكات ومساج ودلع فى بشترك وشعرك وعيشى

عروسه

اتدلعى وهيشى احلى ايام عمرك مع جوزك حبيبك

وقدرى انه ممكن ينشغل شويه

وخليكى ديما رايقه وفرفوشه ودلوعه على زوجك

ولما يقولك هنخرج قوليله سيبنى انا اختار المكان

واختارى مكان على مزاجك يكون حلو ورومانسى كده

وديما صلى وادعى ربنا

ربنا ييسر امرك ويفرج كربك ويهدى زوجك ليكى

راجل يملا العين

هو يعنى ايه راجل يملا العين ؟؟ يعنى ايه راجل مراته تحس انها مكتفية بيه تماما ومش محتاجة تبص لحد ولا تقارن حالها بحال حد

ولا تفكر فى اللى خطبوها قبل كدة ورفضتهم واللى كانو بيتمنوها وهى سابتهم واختارت دة بالذات علشان كانت فاهمة انه راجل يملا العين

ياترى هى الرجولة بس منحصرة فى العلاقة الزوجية .. وان الواحد طالما بيأدى حقوق الفراش يبقى كدة اسمه راجل يملا العين بيحصن مراته ويساعدها على غض البصر ومالى قلبها وعقلها وكيانها كله

هو الراجل لو مراته حست بالفراغ العاطفى وانحرفت بأى شكل ممنوع .. مش هيكون مسئول عنها قدام ربنا

لو كلمت حد على النت ولا موبايل ولا مشيت مع واحد .. هى مجرمة .. بس هو مش مقصر ولا عليه مسئولية ؟؟

هو اللى يسيب مراته مرمية فى البيت ويدور يلف مع اصحابه ويسهر معاهم

واللى يسيب مراته لأهله يبهدلوها وميجيبلهاش حقها علشان خايف يقولو عليه دلدول مراته

واللى يقعد يتفرج على أفلام زفت فى البيت ومش هامه ان عياله تشوف القرف بتاع ابوهم

واللى بيصرف على نفسه ويلبس ويتدلع وبعدين يستخسر يجيب طقم جديد لمراته ولا لإبنه

هو دة كدة ممكن نقول عليه راجل يملا العين

طيب سيبنا من كل دة

بس هى الواحدة اللى بتيجى تقول جوزى عينه زايغة وعاوزة تتقلع من مكانها .. مش بنقعد نقول لها البسى واتشيكى وزغللى عينه واتنططى علشان تعجبيه وتحصنى فرجة وتملى عينه

ليه فيه مبرر للراجل انه يبص برة وجوة ويشوف أفلام بحجة انه متجوز غفير ومش زى بتوع الأفلام والمسلسلات

وفى نفس الوقت عمر الراجل ما بيفكر ازاى يملا عين مراته

المهم انه بيصرف عليها ويجيب لها تاكل .. اصل هيا كانت هتجوع من غيره ,, لأ وكمان بينام معاها وخلاها تخلف أهى ماهى مكانتش هتعرف تخلف لوحدها

غير كدة هو معندوش أى عيب ولا نقص ولا مسئولية

والواحدة المفروض************************

تشوف وتسمع وتسكت وتقول الحمد لله انى على ذمة شيء مكتوب فى بطاقته انه ذكر

بس لا كلمة حلوة ولا هدية فى مناسبة ولا حتى يمسك ايديها اللى كان هيتنقط زمان ويلمسها

لا يصرف بما يرضى الله علشان يملى عينيها ويريحها مهما كانت ظروفه حلوة ولا يطبطب عليها لو عيطت ولا فيه اى مل فى تجديد حياتهم اللى بقت عاملة زى بندول الساعه رايح جاى ومبيعملش أى حاجة تانية غير كدة

لا يفرق معاه مكياج وبرفانات ولانجيرى لغاية ما مراته تشك انها بقت مسخ مالوش شكل ولا طعم ولا بيفرق فيها حاجة

لايمكن يمدح أو حتى يذم فى حاجة مراته عملتها لدرجة انها بتشك انه لسه عايش اصلا

هو دة ياجماعه راجل يملا العين

هو الجواز بقى مجرد قسيمة ووقت فى السرير وخلاص .. وطالما الواحد بيرجع يلاقى اكل جاهز وبيت نضيف وست نضيفة يبقى خلاص كدة فل قوى

ولو الست دى احتاجت حاجة أكتر من أكلها تبقى عينها فارغه

وحتى لو عينها فارغة .. هى الرجولة برضو مش معناها انه يملا عين مراته ؟؟

السؤال اللى هيجننى هما ليه مش فاهمين ان عيننا مش بتتملى بالحكاية اياها وبس

مش فاهمين ان الست ليها احتياجات تانية ولازم زى ما الواحد منتظر من مراته انها تلبى احتياجاته لازم هو كمان يلبى احتياجاتها

ليه مش فاهمين ان الكلام والرومانسية والحاجات اللى بيعتبروها تفاهة دى .. ممكن تعمر البيوت وتحيى القلوب وتخلى الواحدة مننا تبيع روحها علشان جوزها

وليه مش فاهمين اننا كنا بناكل ونشرب فى بيوت اهالينا ومتدلعين أخر دلع .. واحتياجنا للغريزة مكنش هو سبب الجواز

واننا اتجوزنا علشان نلاقى اللى يروينا عاطفيا ويشبع احتياجاتنا التافهة اللى بيعاندو معانا ومش عاوزين يعملوها

طيب طالما هى حاجة تافهة وهترضى مراتك .. ايه المشكلة لما تعملها

لسانك هيتقطع لو قولت لمراتك كلمة حلوة .. هتشهر افلاسك لو جيبتلها هدية من أرخص محل فى طريقك

هتموت ناقص عمر لو لقيت مراتك بتعيط وخدتها فى حضنك وطبطبت بدل ما تديها ضهرك وتتخمد ولا تسيب لها البيت وتنزل عند أمك

هيجرى لك حاجة لو صالحتها برسالة موبايل بربع جنيه

طيب ازاى الواحد منهم بيصرف ميات على مكالمات وهدايا ورسايل لواحدة من اياهم يمشى معاها ولا يصاحبها على الفيس ويستخسر فى مراته

بجد والله مش لاقية غير حسبى الله ونعم الوكيل فى أى واحد يحسس مراته بالقهر بس علشان هو مش مقتنع ان ليها حقوق حتى لو كانت من وجهة نظره تافهة

حسبى الله ونعم الوكيل فى أى راجل مش عارف يملا عين مراته ويخليها تفكر فى حاجات عمرها ماكانت تتخيل انها تيجى على بالها فى يوم

حسبى الله ونعم الوكيل

عايزه جوزك يندم انه اتعصب عليكى تعالى اقولك ازاى؟

إذا رأيت زوجك عصب عليك عليك ،، باتباع الآتي :
عليك بالسكوت ، ولا تقولين عندي كرامتي وأهانني ،،، أقول لك ،، ليس هو الوقت المناسب لتتحدثي عن كرامتك ووو

**********************
لا تعاندية ، إن كان سبب المشكلة وعصبيته هو سبب أنه يريد شيئا ولا ترغبين بتلبية ذلك ، بل قومي فورا وحققي له مايريد ، لأن في رأسه الآن شيطان ،، فلا تجعلي الشيطان ينتصر عليك وعلى زوجك
قولي فورا هذا الدعاء : اللهم إنا نجعلك في نحورهم ونعوذ بك من شرورهم
اللهم اكفنيه بما شئت

وإذا أصبح رايق وبعدها بأيام أجلسي معه فقط لتخبريه أنا لا أحب أن أسمع هذا منك هذا الكلام السيء ، كما أنك لا تحب أيضا أن تسمع أحد يقول لك هكذا ،، وخلاص لا تناقشي اكثر أهم شيء وصلت له المعلومة ،، يعني اختاري شيء واحد ولا تحاسبيه على كل شيء بل اختاري عن كلمة سب واحدة مثلا ،، لأن الرجل يكره ثرثرة المرأة ،،


*************************


الرجل لايحب المرأة ذات اللسان السليط ، إن قال كلمة ردت بعشر ،، ولاحظي إن راددتيه ، يدخل بينكم الشيطان ويفسد مابينكم لأن هذا يفرح الشيطان كثيرا ، لأن ابليس ينتظر هذا الشيطان ماذا فعل وكل واحد يتقرب إلى الشيطان بما فعله وأحسن واحد عند ابليس من فرق بين زوجين

**********************

وأحب أن أنبه ، ليس من الشطارة أن تردي الكلمة بعشر ، كما قال الرسول صلى الله عليه وسلم ( ليس الشديد بالصرعة وإنما الشديد الذي يملك نفسه عند الغضب)
فكلما مسكت نفسك عن الغضب والثوران عليه هذا دليل قوتك ، أما لو انفجرت وسلطت لسانك هذا يدل على ضعفك
( تلك الدار الآخرة نجعلها للذين لايريدون علوا في الأرض ولافسادا والعاقبة للمتقين )
تفسير ابن كثير :
يخبر تعالى أن الدار الآخرة ونعيمها المقيم الذي لا يحول ولا يزول ، جعلها لعباده المؤمنين المتواضعين ، الذين لا يريدون علوا في الأرض ، أي : ترفعا على خلق الله وتعاظما عليهم وتجبرا بهم ، ولا فسادا فيهم
*****************
دربي نفسك على المسامحة على كل ماصدر منه ،، وليس الحقد على مافعله ،،
( فاعفوا واصفحوا ألا تحبون أن يغفر الله لكم )
والعفو والصفح عمل بسيط لكن ليس كل أحد يقدر عليها ،،
( وما يلقاها إلا الذين صبروا وما يلقاها إلا ذو حظ عظيم )
***********************
إذا راضاك بعد أن هدأ ،، لا تثقلي عليه ،( الرجل نادرا مايعتذر لزوجته ، فلا تنتظري أن يقدم لك الاعتذار باللسان )
لأنه قد يعبر عن اعتذار بأشياء يحضرها للبيت أو يحضر طعام ،، فاقبلي منه وابتسمي

، وحتى لو لم يراضيك ،، اصنعي له الطعام الذي يحب وقدمي له ماكنت تقدمين ،، وقومي بواجباتك ،وابتسمي ، فإحسانك معه على إساءته معك يحسسه ذلك بالذنب ،وتظل هذا في عقله ،
لاتقولي مايحسون !!!!،، لا ياعزيزتي ،
،ليس مثلنا نحن النساء أكثر النساء يكفرون المعروف ويكفرون العشير كما أخبرذلك رسولنا الكريم ،
فهذا
هذا وعد من الله
أنه سيصبح لك ولي حميم
( وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)

التقل صنععععععععععععه........تعالى اعلمك اصل الصنعه

اول خطوه : فى مشوارنا كل الموضوع انى حبيت اعرفكم فن الاعتماد على المسبب قبل الدخول بالاسباب
خطوات تصليح العلاقه بالله طبعا كلنا عارفينها والاستعانه بالله بالدعاء فى الصلاه حاولوا على طول تدعوا ادعيه مثلا زى:اللهم افتح قلب زوجى لى كما فتحت البحر لموسى والن قلبه كما النت الحديد لداوود
اللهم اجعلنى قرة عين له واجعله قرة عين لى واجعلنى اجمل النساء بنظره وقلب قلبه على حبى
حاولى تعملى عمل صالح بينك وبين ربنا بس بنية ان ربنا يبصرك بالطريق السليم للتعامل مع زوجك
واخر نصيحه خليه فى ايدك مش فى قلبك والفرق كبيييير











الخطوه الثانيه:الرسيااااااااااااااااااااااااااااااااااان

طبعا بتقولوا رسيان ايه يا شمعه يعنى ايه يعنى الرسيان
هقولك يا ستى الرسيان يعنى رسيان فى مشيتك فى ضحكتك فى غيرتك عليه فى سؤالك عن احواله فى كل حاجه وكل حاجه هنمسكها بالتفصيل
كنت مره عند دكتورة هى ست كبيره فى السن بس بتربطنى بيها علاقة صداقه قويه المهم كنت رايحالها وانا منهاره وعماله اعيط كان الفتره ده جوزى زاللنى بموضوع الجواز التانى وعامله اللعبه بتاعته كل ما يحب يشوفنى بنطط زى القرد يطلعلى اللعبه ده وانا زى العبيطه مش فاهمه وهبله وشغاله الليل الليل يا ميمون
المهم اول ما شافتنى بعيط ومنهاره واعيط واحكيلها بصيتلى بامتعاض وقالتلى :انتى بتعملى كده اودام جوزك
بصيتلها باستغراب وقلتلها :ايوه طبعا مش مكفيه اللى هوه عامله
وانا مندمجه معاها بالكلام راحت مطلعه مرايه وورتنى شكلى وانا بعيط زى الهبله
بصراحه اتكسسسسسسسسسسسسفت قوووووووى من نفسى
سكت كده وبصيت فى الارض لاقيتها لفت بالكرسى كده وراحت باصه فى السقف وقالتلى فجاءه:عارفه انتى ناقصك ايه؟الرسياااااااااااااااااااان
بصيتلها باستغراب راحت قالتلى:ايوووووووووووه الرسيان
الرسيان اول خططططططططططوه تمكن الست من عقل وقلب الراجل وهى اول سلمه من سلالم الطلوع لفوق
خرجت من عند الدكتوره وانا عماله اقلب فى كلامها وافتكرت فعلا هبلى مع جوزى وان انا فعلا مش راسيه خالص

هشرح بقى بالتفصيل يعنى ايه الرسيان
اول حاجه الرسيان فى المشاعر:يعنى متدلقيش كل مشاعرك وكل اللى جواكى اتبعى نظام الرى بالتنقيط وقت اللزوم والرى بالغمر فى وقت تانى

اااااه الكلام كده بقى كبير وحده وحده
بمعنى اللهفه والشوق ليها وقتها والمنع له وقته وتدى مشاعرك بحساب يعنى ممكن تغرقيه فى يوم او فى وقت محتجالك فيه عنده ازمه مثلا او حاجه مضايقاه تانى يوم امنعى كانك بالظبط اول يوم غرقتيه ميه
تانى يوم بقى تفتكرى لو حطيتى اوصاده الميه هيبصلها طبعا لا ما هو غرقان
انما لو تانى يوم نشفتى العمليه ووقفتيه فى الشمس لحد ما ينشف خالص ويعطش كماااااااااااااااان يوم ما تديله نقطة ميه هيبقى مستنيها بفارغ الصبر ودرجة تقبله ليها هتكون ممتازه وهتسعدك جدا انتى نفسك هتحسى بالفرق بين كلمةبحبك اللى بتتقال:بحبك بحبك بحبك بحبك كل يوم وكل ساعه
وبين كلمة بحبك اللى بتتقال كل فتره
الاولانيه:هيبص بثقه واحتمال يدير وشه ويرد بتقل وانتى كمان
التانيه بقى:بجد يا حبيبتى (ما صدق)

تانى حاجه الرسيان فى حركاتك:بمعنى تمشى كده بثقه وتقعدى بثقه وانوثه ودلال وتضحكى بثقه ومره تضحكى ومره تبتسمى بسسسسسسس

ثالث حاجه الرسيان فى الغيره:بمعنى ملاحتقك المستمره ليه وغيرتك الزايده عن الحد هتخليه يزهق
هتقولوا اللللللله امال اعمل اييييييه؟
هقولك يا ستى مره تغيرى بضحك وزغزغه ونظام ايووه ياعم ماشى خليك فاكرها
ومره تغيرى بمجرد بصه كده كانها قال يعنى بصة حزن من غير ولا كلمه
ومره متغيرييييييييييييييييييييييش خااااااااااااااااااااااااااااالص(او بمعنى تانى حاولى تمسكى نفسك لدرجة انه يبان انك مش غيرانه اصلا)
خليه يحتار يا ترى هى ايه؟
فاكرين مسرحية شفيق يا راجل لما راح يقوله:الطويل القصير الطخين الرفيع يا رااااااااااااااااااجل

ثالث حاجه الرسيان فى الشوق:مره تحسيسيه انك مشتاقه وهتموتى ومره ولا كانك هنا
بمعنى مثلا يوم يرجع من الشغل تبقى واقفه وره الباب وتفتحيله الباب وتبوسى وتحضنى
وبعدها بيومين تعمدى مثلا تمسكى المصحف قبل ما ييجى او تصلى بحيث يدخل يلاقيكى مشغوله فى حاجه ميلومش عليكى انك انشغلتى بيها فهيبقى مغلووووووول بس مش هيقدر يتكلم وبعد ما تخلصى نظام:اسفه يا حبيبى كنت بقرا الورد بتاعى النهارده نورت احضر العشا؟(من غير لا بوس ولا احضان)


رابع حاجه الرسيان فى معرفة اخباره:بمعنى حاولى تعرفى اخباره من بعيد لبعيد عشان انا عارفه طبعنا احنا الستات الفضول بيبقى هياكولنا
حاولى تساليه من باب الاهتمام:اخبار الشغل ايه؟او اى حاجه مثلا عنده مشكله اى حاجه
لو رد مثلا وقالك:الحمد لله وسكت
مش نظام زى الهبله :يعنى ايه هو انا مش بسالك انا غلطانه انى بسال يعنى برده مش هتقول طب خليك فاكرها
لااااااااااااااااااااااااااااااااااااااااااااااااا ا اوعى تعملى كده
سكت ومقالكيش اسكتى شويه كده وردى عليه بتقل وروحى قايله:طب ياروحى ربنا يوفقك انا حبيت اطمن عليك
وشككككككككككككككككككككككككككككككككرررررررررررررررر ررررررا
صدقينى هتلاقييييييييييييييييييييييه من نفسه بعد فتره هييجى يحكيلك


المهم قبل ما نكمل يا حلوين فيه معلومه مهمه جدددددددددددددددددددا لازم تحطيها حلقه فى ودنك قبل ما اكمل اى خطوه هقولهالكوا المعلومه ده هى:

الراجل بيشم الست مراته من على بعد ميت مترررررررررررررر متعرفيش يا اختى ازاى

والله العظيم وعن تجربه لما بعمل نظام التقل والرسيان وانا من جوايه هموت عليه بيحس والله وبرده بيدلقنى لدرجة انى شكيت فيه هو الراجل ده مخاوووووووووووى ولا ايييييييييييييييه هو الللى بنعمله فى الناس هيطلع علينا ولا اييييييه

الفكره يا جماعه لا سحر ولا شعوذه الفكره انكو عشره والراجل ذكى وبيفهم الست لو مجرد بصلها بطرف عينه انها بتمثل

هتقولوا اللللللللللللللللللللللله امال نعمل اييييييييييييييه؟هتحيرينا ليه يا شمعه؟

هقولك يا ستى انا عايزه الموضوع ما يبقاش تمثيل لا يبقى نظام من جواكى بمعنى جواكى تقعدى تقولى
(انا مش عايزاه هو اللى المفروض يعوزنى......انا مش عايزاه هو اللى المفروض يعوزنى)
وتكرريها كتييييييييييييييييييييير جواكى لحد ما تبقى حقيقه وعلى فكره ده مش كلام عبط ده حاجه فى علم النفس تعنى اقناع الذات لحد ما فعلا تصدق
فاكرين الفيلم بتاع عبد المنعم مدبولى لما راحله الراجل الاوزعه وقعد يقوله قووووووووووول:
انا مش قصير واوزعه انا طويل واهبل

هوووووو ده المقصود يعنى الموضوع فعلا يبقى من جواكى بحيث لو بص على وشك هيحتار هيقول لنفسه ده بجد بقى
انا عارفه ان الموضوع فى اوله صعب بس معلش قال رسول الله صلى الله عليه وسلم(انما الحلم بالتحلم والصبر بالتصبر والعلم بالتعلم)
يعنى كل حاجه بتيجى بالتدريب والاستعانه بالله زى ما قلنا
نفسك على فكره غاليه قوى ولازم قبل ما تبقى عايزه ان جوزك يدلعك دلعيها انتى الاول اذا كان انتى نفسك هانت عليكى مش عايزاها تهون عليه هو

شويه شويه وهتلاقى جوزك بقى بتحبيه بس مش وهو فى قلبك وهو فى ايدك وهى ده الكلمه اللى انا قلتها فى خطوة الاستعانه بالله وتذكرى ان اللى بيحط الدنيا فى دماغه ربنا بيبتليه بيها واللى بيشيلها من دماغه اتته وهى راغمه
هتقولوا اااااااااه شمعه رجعت للدروشه ونظام الكلام فى الدين هقولكوا لا والله ياجماعه وهجيبلكوا دليل وحاجه بتحصل معانا كلنا وهتخليكوا تضحكوا

مش دايما لو نزلتى الشارع وعايزه تركبى اتوبيس برقم معين تقفى تستنيه بالساعتين ما يجييييييش صح؟
ممكن لو نزلتى يوم تانى تلاقيه بييجى كل عشر دقايق لانك اصلا مش عايزاه
ههههههههههههه بالله عليكوا ما حصلتش مع حد

انا عن نفسى اتهريت من الحوار ده وانا فى الجامعه اذن الفكره انك لما بتبقى شايله الحاجه من دماغك بتييجى وطول ما انتى حاطاها فى دماغك غالبا مش بتيجى
لو تلاحظوا اكيد شفتوا حالات كتير فى المجتمع الست دالقه جوزها وهو بيبقى هيموت عليها وانا شفت الحالات ده
الراجل فى الحاله ده بيحس فعلا ان الست دالقاه بس فى نفس الوقت شاغلاه ومسوياه على الجنبين
النوع ده من الستات بتبقى نجحت فى حل المعادله الصعبه او اللى احنا شايفينها صعبه بس ان شاء الله انا وانتو هنحلها مع بعض

الخطوه الثالثه:الغموووووووووووووووووووووض


طبعا هتقولوا غموض ايه وبتاع ايه ده انا اودامه ياشمعه اربعه وعشرين ساعه هبقى غامضه ازاى يعنى يا شيخه صلى على النبى

هقولك اصبرى بس عليه شووووووويه اولا هشرحلكوا موضوع الغموض بالتفصيل وبعدين هقولك الغرض منه وبعدين هقولك ازاى تطبقيه

بس قبل ما نبتدى لازم تعرفى ان الموضوع ده عايز نصاحه جامده مش نظام تقولى لنفسك خلاص انا هبقى بييير مالوش قرار واتاريه بير هيطفح قريب ولا زى الفلاح اللى قال لاخوه لو قلتلى الكيس ده فيه ايه هديك منه جوافتين

اولا الشرح:
طبعا كلنا عارفين ان النفس البشريه جبلت على معرفة الحاجه المجهوله والسعى وراها وده اللى بيخلى الناس الجهله والعياذ بالله يروحوا للدجالين والمشعوذين
بلاش ده لو مثلا واحده صاحبتك قالتلك انا محضرالك مفاجاءه بتحاولى الاول تعرفى منها هى ايه وبتلحى صح؟طب لو رفضت ؟طبعا دماغك بتنها شغاله وبتجبرك انك تقعدى تفكرى فى خمسين حاجه طب يا ترى هى مقلب طب ياترى الهديه اللى قلتلها نفسى فيها طب....طب....
اذن هنا صاحبتك جبرتك تشغلى دماغك وده المكان اللى عايزين نودى ازواجنا ليه بدل ما انا اللى دماغى شغاله ليل نهار اخلى دماغه تشتغل شويه ودوق شويه يا جوزى يا قمر اصله كاس وداير على الناس ولا سيما ان اى راجل بيحب الست اللى تخليه يشغل دماغه مش اللى كتاب مفتوح اللى بتبقى كتاب مفتوح بيفتحه ويقراه ويفهمه ويرميه ما هو قراه خلاص
بلاش ده كله عمرك سالتى نفسك ليه لما حد بيجيب لحد هديه بيلفها ويداريها؟لان الموضوع ده تشويقى جدددددا وبيدى بجانب الفرحه بالهديه عنصر المفاجاءه والتشويق

وده اللى احنا عايزين نوصله



طب ايه بقى يا شمعه الغرض من الغموووووووض
اول هاااام:انك تحيرى جوزك وتبقى غير متوقعه وتخليه يشغل دماغه زى ما قلنا وكده تبقى انتى حطيتى رجلك على اول خطوه من خطوات تبادل الادوار وهو اللى يبتدى يجرى وراكى وينشغل بيكى لانه هيبقى عايز يعرف اللى وراكى ومخبيه ايه فهمتى؟
ثانى هام:هيخلى الحياه ممتعه وفيها شوية سبايسى



طب ماشى يا شمعه شوقتينى ادينى فى المهم وقوليلى اطبق الموضوع ده ازااااااااااااااااااى
ازااااااااااااااااااااى ابقى غامضه يعنى


دلوقتى بقى يا جماعه احنا عرفنا شرح الغموض والغرض منه دلوقتى هنتعلم ازاااى نطبقه وده هيكون شرح عملى يعنى عن طريق الامثله:


اول مثال:جوزك عامل مصيبه كبيره من وراكى ومخبيها عليكى وانتى متاكده ميه فى الميه من انه عمل

التصرف العبيط(معلش اسمحولى اقول كده عشان اكرهكوا فيه):ااااااااااااااه انا عارفه كل حااااااااااااااااااااجه وفاهماك كويس انت مفكرنى نايمه على ودانى ودب دب طاااااااااخ

فى الحاله ده جوزك هيعمل حاجه من اتنين
الاولى:هينكر وده لانه مضظر فى الحاله ده انتى هتحسى انه كداب وهتتالمى جدا وهتفقدى ثقتك فيه وهو هيكرهك من جواه لانك كشفتيه لان مفيش حد فى الدنيا بيحب حد يكشفه
طب والتانى:التانى انه هيقولك ايووووووووووووووووووه انا عملت واعلى ما فى خيل خيلك اركبيييييه وهتكسرى عنده حاجز الخوف من المصيبه اللى عاملها

اللللللللللللللللللللللللللللله اومال اسكت؟
لا يا ستى اصبرى عليه محدش قالك اسكتى اكلمى بس سويييييييييييييييه على نار الشمعه بمعنى انتى تعملى نفسك اخويه العبيط وتعامالاتك العاديه خالص وكل حين ومين كلمه مدروسه من تحت لتحت تحمل ميت معنى تحمل معنى انك فاقسه الدور او انك بتقوليها بحسن نيه
مثلا لقطه فى مسلسل واحد بيخون مراته تنتهزى الفرصه وتقعدى تشتمى بدلال كده وثقه والراجل اللى بيعمل كده مش محترم ومفكر نفسه ناصح ومراته مش عارفه فى حين انها عارفه حاجه غريبه والله
وبعدها بضحكه رقيييييييييقه :تشرب شاااااى يا روووووووحى

جنينيه خليه يقول يا ترى هى عارفه اللى انا بعمله ولا ده مجرد تعليق على المسلسل وهلمه جرى فى الوضع ده بقى يا حلوه جوزك هينتابه خليط من الخوف والرعب ويا ترى لو عارفه ساكته ومرقده على ايه ده اكيد ناويالى على نيه
ولو مش عارفه اومال بتقول كلام غريب ليه يا واد لم الدور واتعامل معاها عدل وامشى عدل يحتار عدوك فيك
ومنك هتبقى فاشه غلك انك مجنناه ومن غير ما يمسك عليكى غلطه وفى نفس الوقت من تحت لتحت انا مصحصه يا جمييييل اوعى تلعب بالنار لا تحرقك



المثال التانى:جوزك بيزلك على موضوع الغيره والستات والجواز التانى
التصرف العبيط:لااااااااااااااااااااا هتطلق انا مش هسكت وهيهون عليك واشتغلى بقى الليل الليل يا ميمون وهو من جواه مزاطط
التصرف الصح فى موضوع الجواز:
فاتحك فى الجواز التانى
تردى تقولى:وماله ياحبيبى اللى هيسعدك يسعدنى وحته مسكنه
طبعا وحتما ولابد ولا مفر الباشا هيرد:يعنى انتى مش هتضايقى؟
تردى :لا طبعا يا روحى ازاى وهو فيه واحده متزعلش بس طالما ده سعادتك خلاص وبعدين كده ولا كده الواحده لما جوزها بيتجوز عليها مبتحبوش قوى يعنى وموضوع الغيره بيموت عندها خالص فانا ساعتها مش هبقى متضايقه وعزائى الوحيد يا روحى انك مبسووووووووووووط وابتسامه خبيييييثه


طبعا فى الرد اللى فات انتى اديتيلوا السم فى العسل بمعنى عرفتيه الخساير من وراء الموضوع ده وسيرته وهى ان حبك هيقل وغيرتك هتنتهى هتقولى حاجتين
اول حاجه:هيتضايق منى هقولك لا ما انتى برده اتمسكنتى وعملتى فيها الشهيده اللى غرضك سعادته
تانى حاجه:ولا يهمه احبه ولا لا هقولك بقى هنا واسسسسسسسسسسسسستنى
انيل حاجه عند الراجل انه يحس انه خسر حب مراته ولو حتى بيكرهها وانا قبل كده دخلت فى منتدى مختلط واحده سالت سؤال :ايه اكتر حاجه توجع الراجل من مراته؟
خمسه وتسعين بالميه من ردود الرجاله كانت انه يحس ان مراته بقت بتكرهه
وده عن تجربه من ناس حواليه الراجل بيبقى هيموت من جواه ولو ما باينشى

مبدئيا كده كنت عاوزه اضيف حاجه على الجزء اللى فات وهو موضوع الغمووووووووض فى الغيره مثلا على التعليقات السخيفه مثلا:

قاعدين تتفرجوا على التلفزيون وجت نانسى عجرم طبعا الباشا مش هيسكت هيعلق تعليق سخيف زى ادى المزز ولا بلاش
التصرف العبيط:قصدك اييييه هو انا وحششششه ده اصلا مش محترررمه وادى اديلو ادى والباشا من جواه الهبله اهى الهبله اهى

التصرف الصح:ابتسامه غامضه من دون اى ملاااااااااااااامح خاااااااااااااااااااااااااااالص
خليه يقول هى سمعت ولا مسمعتشششششششششش الللللللللله هو ايه اللى حصل كان نفسى اشوف ميموووون

هتقوليلى يعنى كل مره اسكت ما هيسوق فيها
هقولك يووووووووووووه صبرك يا بنت الحلال هخليكى تاخدى حقك بذكاء

يومين كده ولا تلاته بتتفرجوا على التليفزيون جه احمد مظهر ولا رشدى اباظه ولا احمد عز (الممثل مش المسجون)
المهم تقوليلوا اقلب القناه ده ياروحى لحسن غض البصرررررررررررر كده غلللللللللللللللللللللللللللط

كده انتى ختى حقك حسستيه ان مثلا رشدى اباظه احلى منك بس من غير ما يمسك عليكى غلطه لانك لو قلتى شايف القمررررررررررر هيسقف على وشك من الفررحه وهيقولك انتى مش محترمه وهتقلب بخناقه
انما لو قلتيها بالطريقه ده قال يعنى البت متدينه وخايفه على نفسك من الفتنه لان رشدى اباظه احلى منك يا جبااااااانزى ما نانسى احلى منى وكده اتساوت الروووووووووووووس


اتعلمى فن انك تاخدى حقك من غير ما يتمسك عليكى غلللللللللللللللللللللللللللللللطه




المثال الثالث فى مسالة الغموض:الغموض فى خصوصياتك وخصوصيات اهلك
التصرف العبيط:ييجى من الشغل يلاقى الراديو اشتغل وعماله تحكى الاخبار العالميه والمحليه والجاره الفوقيه والتحتيه
مره على مره هتحسى انه بيسمعك بملل

التصرف الصح:خليكى ساكته حاولى على اد ما تقدرى تاخدى منه وما تبيعيش خليه هو اللى يبقى تووووواق يعرف اخبارك لو حتى تعبتى ما تقوليلوش الا طبعا لو حاجه كبيره
ولما ييجى يسالك قوليله الحمد لله بس فيه موضوع كده شاغلنى
هو بقه:موضوع ايه
انتى:لا لا يا روحى خليك فى شغلك انت ناقصنى
لا لازم تقولى:مش عايزه اضايقك هقولك فى الوقت المناسب ما انت عارف انا بحب اخد رايك
لازم تسيبى شعرة معاويه فى الموضوع بحيث ميرميش طوبتك خالص ويتعود انه ميسمعكيش
وقطبى جبينك كده كان الموضع حياه او مووووت فى حين ان مثلا اللى شغلك انك مش عارفه توصلى لطريقة عجينة البيتزا
ههههههههههههههههههههههههههههههههههههههه
وصليه لمرحلة ان هو اللى يقعد يتحايل عليكى يعرف معلومه
وطبعا اهلك ايااااااااااااااااااااااااااااااكى تجيبى سيرة اى حاجه تخصهم اطلااااااااااااااااااااقا خاصة المشاكل لانك ممكن تتزلى بيها يا حلوه بعدين




المثالالرابع:الغموض فى اخباره الشخصيه
مثلا زى ما قلتلكوا قبل كده اوعى تحسىسيه انك هتموتى من الفضول انك تعرفى حاجه الا هيستحلى اللعبه وهتبقى عامله زى العصايه والجزره
الفلاح بيبقى قاعد على ظهر الحمار ماسك عصايه حاطط فيها جزره اودام عين الحمار
الحمار يا ولداه عمال يمشى مفكر نفسه هينوول الجزره فى حين ان الفلاح عايزه يمشى المشوار بتاعه
هى ده الفكره
هتقولى بسسسسسسسس تاهت ولقيناها انا ولا هعبررره
هقولك لا يا فاااااااااااااااالحه كده هيتمسك عليكى غلطه الللللللللللللللللللللللللللللله طب تعملى ايه

الموضوع يبقى ازاى؟

التصرف العبيط:عملت ايه فى الموضوع الفلانى راح هو مريحكيش فى الرد
انتى بقى طنت الندابه:لاااااااااااااااااااااا ده اخرتها ده احنا عصفورين فى قفص سرنا المفروض مع بعض خليك فاكرها عمرى ما هنسهالك وهو عمال جواه:هيييه العبيطه اهى اهى
التصرف الصح:عامل ايه؟
مردش خلااااااااااااااااااااص بخخخخخخخخخخخ وتعملى نفسك انشغلتى بحاجه
حيريه خليه عمال يفكر هى مش مهتمه لا يا واد ده سالتك الله تبقى مهتمه بس شكلها مش باين ده شكلها باعت القضيه انا يظهر زودتها معاها وعودتها انها متسالش لا يا واد دوقها طعم انك تحكيلها وابقى احرمها تانى
انما على مين هيحصل تبادل الادوار هو اللى هييجى يحكيلك كل مره على امر الجزره وهى ان المدام تهتم زى زماااان



قبل ما اكمل فيه كذا نقطه لازم تحطوها فى ودنكوا قبل ما تبتدى اى واحده فيكوا الحوار ده اهم النقط ده

اول حاجه الموضوع عايز نصااااااااااااااااااحه جامده جدددددا
تانى حاجه عايز قلب جامد واستمرار
ثالث حاجه جهاد نفس رهيب وههمس فى ودنكوا واقول جوزك قدر يجاهد نفسه فيكى جاهدى نفسك انتى كمان عشان مصلحتك

وعشان اشجعكوا هحكيلكوا تفاصيل اول مره احس فعلا ان حصل تبادل ادوار بينى وبين زوجى وبعد ما كنت انا اللى ميمون تحول زوجى الحبيب المصون الى احلى ميمممووووووووووووووووون

طبعا انا قلتلكوا ان جوزى زاللنى بموضوع الجواز التانى وفى ليلة ليلاء بعد ما انا اكتشفت اد ايه انا كنت حمقاء دخل جوزى ابو السبااااااااااع من الشغل واتكلم كده بثقه وقال:حضرى شنطه حطيلى فيها هدوم نضيفه قوى وشوية غيارات وحاجات تكفى اسبوع
وراح باصص بطرف عينه
سكت شويه كده ورحت قلتلوا من غير ما ابين اى تعابير على وشى:دلوقتى احضرها دلوقتى
قال بثقه اكبر بعد ما نفخ صدرره :ااااااه اتسلى كده انا رايح مشوار وجاى تكونى حضرتيها عشان محتاجها بكره
وراح مشى

طبعا اى واحده هبله كانت هتقول بس سبع البرومبه شافله شوفه الراجل ضاع يارجاااااله
اهىء اهىء اهىء وتترمى زى فاتن حمامه على السرير وتعيط

انما على مييييين مش على شمعه اللى اتكوت سنوات وسنوات

قمت ورحت محضره الشنطه على اعلى مستوى وبرفنت الهدوم كماااان
جه ابو السباع من بره اول ما دخل ولقى الشنطه والله العظيم عينيه برررررررررررقت لدرجة انها بقت مدوووره
ورحت قلتله برقه ونعوووووووووومه:حبيبى انا حضرت الشنطه ورحت غامزه بعينى وقلتله وبرفنت الهدوم كمان هو انت رايح فين يا روحى(اخويه العبيط)
رد بنرفزه:مش شغلك
قلتله بكسره ومسكنه:احضر العشاء
قالى :ماشى

شويه وواحده صاحبتى اتصلت قعدت اتكلم اودامه واشكر فيه وفى طريقة تفكيره وانه قاللى على اسلوب ممتاز لمذاكرة الولاد وبضحك مع صاحبتى عادى جددددددا وهى على الناحيه الثانيه فاهمه الفوله ومسخسخه من الضحك وارمى نظرى على ابو السباع وشه بقى احمر لدرجة انى لو كسرت بيضه على راسه كانت استوت


شويه وميمووووووووووووووووووون حضررررررررررررررررررررر
لاقيته اتنرفز بطريقه غير عاديه وقالى:انتى كلمتى حد لما انا نزلت؟
طبعا المقصود من السؤال كلمتى مين عمل فيكى كده

انا طبعا اخويه العبيط:لا والله يا روحى ده انا انشغلت بتوضيب الشنطه
شويه والعمليه سخنت اكترررررررررررررررر
مين صاحبتك قليلة الزوق اللى بتتصل فى المعاد ده
وراح ماسك موبايلى وراح طااااااااخ خبطه على الترابيزه
رحت عضيت على شفايفى وقلتله:مالك ياروحى انت متعصب ليييه العصبيه غلط عليييييك اعمل لمووووون؟
راح بعلو صووووته:انتى هتستهبللللللللللللللللللللللللللللللللللى


وانا جوايه :هييييييييييييييييييييييه هييييييييييييييييييييييييييه اشرب بقى يا عم

الراجل الاماص ببساطه شديده راجل عررررف اخرررررررررررررررك
عارفه كان فيه دكتور اطفال بييجى على قناة الناس من غير ما تضحكوا ايوه دكتور اطفال واحنا متفقين ان الراجل طفل كبير
المهم راجل ومراته اتصلوا بالدكتور يشتكوا من ابنهم انه قماص وعنييييييييد جدا
قالهم كلمه جامده جددددددددا:مشكلكتكوا انكو ما مشيتوش معاه على وتيره واحده بمعنى انه مثلا مصمم ياكل الشكولاته قبل الاكل
من غير عنف من غير ضرب
مفيييييييش شيكولاااااااااااته الا بعد الاكل
اتنطط اتشال اتحط ولا كانكوا شايفينوا مره على مره هيعرف انه كده غلطان وانكو مش بعاميله هتنفذولوا رغباته

ازاى تتطبقى الموضوع ده على جوزك؟
الرد بسيط بالادب خاااااااااااااااااااااالص لو انتى مش غلطانه فى حاجه لوجه الله روحيله مره وكلميه لاقيتيه اتنطط عليكى بخخخخخخخخخخخخخخخخ متروحيش تانى خااااالص واصبرى على خصامه بس بشرط تبقى فعععععععلا مش غلطاااااااانه
مره على مره هيتعلم ان كده كوخ لما اجى يبقى تصالحنى لان ده فرصه مش هتتعوض
مره على مره ممكن يخاف يتقمص اصلا لانك احتمال متجيش

يا بنت الايه يا لذينه جيتى ع الجررررررررررررررررررح كملى كملىانا معاكى جداااااااااااااااااااااااااااااااااااا انا مخطوبه بقالى سنتين و فرحى قريب ان شاء الله انا والله متأكده ان خطيبى بيحبنى جدا و بيموت فيا و ميقدرش يعيش من غيرى و ده برده كلام كل الناس اللى يعرفونا بما فيهم مامته بس المشكله انه فى الآول كان مدلوق عليا اوى و مستحيل يسيبنى انام زعلانه منه حتى لو على حاجه تافهه و بمرور الوقت و مع زياده هبلى و عبطى فى حبه و دلقتى عليه لقيته اتقلب 180 درجه مبقاش يقول الكلام الحلو خالص و انا اللى بقيت اقول على طول و بتحايل عليه بالمحايله عشان اسمع كلمه حلوه و بطل يحكى اى حاجه عن اللى بيحصل معاه خالص و انا لو حاجه عبيطه جدا مقولتش عليها يبقى يومى مطين بطين لا و بقى كمان بجح يعنى مش انه بيعمل كده و بس لا ده كمان يقولى ايوه مش هتعرفى عنى حاجه و انا اعرف كل حاجه و ده طبعا زى ما قلتى لما واجهته و بقى لما ازعله يخاصمنى و ميردش عليا فى التليفون و لازم اتحايل و اتحايل و اتحايل عشان الباشا يتكرم و يتعطف و ينزل بمستواه و يصالحنى و لما هو يزعلنى و يكون متأكد انه غلطان مستحيل يعترف بكده و المفروض انه اول ما يتصل ارد عليه و كمان اكون هاديه و اعامله كويس اوى عشان ما يقلبش عليه و لو مرديتش او حاولت اقوله انى زعلانه بيزعل هو و يخاصمنى و فى اللأخر انا برده اللى بتحايل و اتحايل و اصالحه و خايفه اوى لنفضل كده بعد الجواز كنت زمان لما اتخنق قوى اقوله هسيبك كان يتعدل شويه و يرجع تانى و دلوقتى و لا بتأثر فيه اليومين بقى ابتديت اعمل اللى انتى قولتى عليه حاسه انه مستغربنى اوى و كل شويه يتنرفز عليه و يقوللى انتى بقيتى مستفزه و يعمل نفسه زعلان اتعمد مصالحوش و يكلمنى بعدها بخمس دقائق يلاقينى مبتسمه و مرحه و كلى حيويه و لا كأن فى حاجه حصلت فابتدى يقوللى انى نكديه و بنكد عليه و اعكننه مع انى ببقى هاديه جدا و بشوشه و انا طبعا من جوايا عارفه انى كده بفرسه عشان مش مخلياه يعرف يمسك غلطه عليه انا عارفه انى كده ماشيه صح بس حاسه ان الدنيا بينا مش مظبوطه اليومين دول لأنه مش قادر يتقبل الوضع ده و كل شويه يحاول يضايقنى يعنى يقوللى شكللك مش طايقانى اليومين دول بلاش نتكلم كام يوم لحد ما تهدى ارد عليه و انا مبتسمه و اقوله لا يا حبيبى انا هاديه جدا بس لو انت شايف ان كده احسن مفيش مشكله يومين و نتكلم ابص القاه بيكلمنى بعدها بساعه و هو شايط و يقوللى انتى بقيتى مستفزه و بيتلككلى على اقل كلمه عشان يعمل مشكله بس مش مدياله فرصه بس بصراحه من جوايا خايفه و مرعووووووووووبه احسن يزهق منى و من النار اللى معيشاه فيها و يسيبنى معلش يا قمر طولت عليكى بس زى ما قلتلك جيتى ع الجرح

مشكلتك حلها فى كلمتين وبس
شيليه من دماغك واتقلى ومتخافيش وافتكرى خلى قلبك جاااااااااامد
طالما ما بتغلطيش
بابا دايما يقولى (خذوا الامور بعزة الانفس فان كل شيىء يجرى بمقادير)
وقل لن يصيبنا الا ما كتب الله لنا

تعرفى خطيبة اخويه بتكلمنى من اسبوعين منهاااااااااااره وقالتلى خلااااااااااااااااااص اخوكى قالى الموضوع انتهى وقولى لاهلك
قلتلها جمييييل جددددددا قولى لاهلك
قالتلى :نععععععععععم
قلتلها انتى مش واثقه انه بيحبك
قالتلى المفروض
قلتلها دووووووووووووسى لما يكلمك كلميه باسلوب قافش وقوليله قلت لاهلى خلاااااااااااص وبتمنالك السعاده مع حد تانى غيرى
عارفين؟عملت اللى قلتلها عليه صالحها ولم نفسه ههههههههههههههههههه
لبسته العمه وحسسته انه جرحها بانه قال كلمه زى كده وعاشت اللحظه بس بكبريااااااااااااااء
اتللللللللللللللللللللللللللللللللللم يا شيخه ناس تخاف متختشيش

اة والله انتي جامدة اخرتلات اربع حاجات ربنايشفيكي ويعافيكي بس معادلة صعبة لسةالنهاردة مضايقني كنامع بعض وجةصاحبةوالبت الي مرتبط بيهاوقال ايةبيقولهاايةيالولة مالك اختك طبعاههه كانت مبسوطة وبضحك بس اتشليت وعملت نفسي عادي ومش عاجبني طريقتهامعاة بطلعلة لسانهاوبتهزربالكلام فكرت اقولةيحافظ علي مشاعري ويحط حدودمعاهابس عملت اخوةالعبيط ههههه

اووووووووووعى يحافظ على مشاعرك مين ده انتى كده بتديله سلسه اللى هيلعب بيها ميمون
يعنى هو عبيط مش عارف انك هتضايقى اكيد طبعععععععععععا
هقولك تاخدى حقك ازاى
بعد كام يوم او حتى شهر لو جت سيرة صاحبه ده تهزى راسك كده بتصعب وتقولى
صاحبك ده صعبان عليه قوووى خطيبته ده شكلها لوووووكاااااال (بيئه)مووووووت هو مستحملها ازاى ويا ولداه عشان يهزر معاها او يتعامل معاها لازم ينزل لمستواها (نظام الكلام ليكى يا جاره وضرب من تحت الحزام)
انا ست ومتفهمش الست غير الست اللى زيها كان الله فى عووووووووووونه حقيقى ربنا معاه

بصوا يا جماعه عشان انا لاحظت موضوع ان شكوى الزوج القماص ده عند كتييييييييييير مننا وبالتالى خدوا المختصر المفيد ده باذن الله عشان نقفل القصه ده

1-اولا حاولى متغلطيش خاااااااااااااااالص فى علاقتك معاه مهما استفزك صبرى نفسك انك هتبقى تاخدى حقك بعدين بس من تحت الحزام من غير ما يتمسك عليكى غلطه
2-الباشا قلب عليكى الترابيزه فجاءه واتلكك على حاجه هبله وماله نريح الزبوووون دلع الننه وهشك الننه سيبيه يعلى صوته خاااااااااالص ويجيب كل اللى عنده وفى الاخر بصوت اخويه المسكين:انا اسفه يا روحى مقصدش
3-خدى راى حد تثقى فيه جدا يكون كبير وعنده حكمه وقالك انك مش غلطانه
4-ساق الهبل وجيتى تكلميه لاقيتى الدنيا ضلمه بخخخخخخخخخخ شكرا مع السلامه انا طيبه اااااااااااه بس عندى كرامه
5-الراجل هيطفش يا شمعه ده مالوش حدود
وماله هو ما لوش حدود فى الغلط انتى خلى ملكيش حدود فى الصح ونظام نام وانت مرتاح وسيب السلاح وحطى فى بطنك بطيخه صيفى لانك عملتى اللى عليكى وتاكدى كل يوم بيعدى هو اللى بيبقى مدان مش انتى
6-هيتشغل ومش هيهمه وممكن يقعد سنه اتشغلى انتى كمان وميهمكيش واقعدى سنتين اشمعنى هو واخداه العزه بالاسم وهو غلطان ونفسه غاليه عنده قوى كده وانتى ايه يعنى لحم رخيص
7-ده ما بيهموش اييييييييييوه ما بيهموش لانه واثق ومتاكد وحافظ انه بيهمك وانا شخصيا لو مكانه هعمل زيه
8-اوعى تسمعى كلام حد يقولك يا بت اعفلى الست تتنازل
لا معلش انا اسسسسسسفه العلاقه الزوجيه ياجماعه علاقه متكافئه وربنا قال (ولهن مثل الذى عليهن بالمعروف)
وقال برده(فان اطعنكم فلا تبغوا عليهن سبيلا)
مين قال ان العلاقه الزوجيه ان الزوج يكوى الزوجه وكتر خيره اصلا انه تعبان وشايل المكواااه
9-اوعى تنسى الجمله ده:خذوا الامور بعزة الانفس فان كل شيىء يجرى بمقادير

تمام يا بنات اى استفسار؟