كيف تحافظ على الصلاه

اولا :
مش شرط نعمل مسجد بمعنى الكلمة ، لكن ممكن فى اى ركن فى الشقة نفرش المصلية بتاعتنا ونعطرها بأجمل عطر احنا بنحبه ، وحتى بعد ما نخلص صلاة نسيبها زى ماهى

ثانيا :
نحط جمب المصلية تربيزة صغيرة عليها ايه بقى يا حلوين ، عليها المصحف وعليها كتاب الاذكار بتاع الصباح والمساء ، علشان بعد ما اصلى العصر اقولهم وبعد ما اصلى الفجر اقلهم طبعا بعد اذكار الصلاة

ثالثا :
احط جمبهم ورق أنا كتباه بخط ايدى بالخط العريض ، يعنى ورقة كراسة كده واكتب فيها بالعرض
حديث مثلا عن الصلاة اثر فيا ، أو أية قرءانية برضه عن الصلاة اثرت فيا
وكل ما اروح اصلى أقرأهم


رابعا :
احاول اجمل الركن ده بإضاءة حلوة أو ورد مثلا او اى شيئ


دى كانت الخطوات الجديدة
القديمة للتذكير بس
كانت
1- وانا بتوضأ اهيئ نفسى انى رايحة جمل مقابلة فى حياتى
2- وانا بتوضأ اركز فى كل عضو وكأنى بطهره من الذنوب وافكر ازاى ممكن يتعذب يوم القيامة وازاى حيشهد عليا
3- اعمل لنفسى لبس للصلاة يكون اشيك من اشيك فستان طبعا يكون شرعى لا يصف ولا يشف لكن لو حبيته اى قماشة أو لون اعمله
4- احط اجمل برفان انا بحبه لانى رايحة اقابل ربى والهى ومغيرش البرفان لانه حيعلقنى بجو الصلاة
5- قبل الصلاة احاول اذكر الله واخشع شوية مدخلش فى الصلاة مرة واحدة غير لما استشعر فى قلبى الخشوع
6- وانا فى الصلاة افكر فى الايات كويس اوى وانا بسجد اتمعن فى الارض وافكر ازاى انا بسجد عليها النهاردة وبكرة حدفن فيها وانا اصلا خلقت منها